لرستانات
بیاتامِه همه چی نِ بوئِم سیت
کسی توهین نَکه وِقومِ کاسیت
هَنی محمودافغان دِم میترسه
که اِسکندر د ِتاوِ مِه میلرزه
دِ ملکِ لُرسوکورش وِریسا
که منشورش زَنَه وِفرقِ دنیا
کریمخو لُطفَلی سالارقومم
وه آریو برزنه سردارِ قومم
بوسرداراسعدم اوشیرِجنگی
دراره سردِخاک دی روزتنگی
وِبی بی مریمِت بواَسبِ زین کو
دِپُشتِ بَردی چی شیری کمین کو
شیرعلی مردو پرچمدارجنگه
قطارش هاوِسینه پُردِشنگه
هَنی شمشیرِمَردوتیزِ تیزه
اِلودُشمِه دِترسِش پرمیریزه
قدم خیردوقِلاون دالِکَمَه
هَنی هم آسمونش پُردِتَمَه
وِدَسِ شیرکُری که مردجنگ بی
دِمُلکِ لُرسو تیمورلَنگ بی
وِریسیدقومِ لُر دِلتنگِتونه
هنی هم تِشنه رزم وجنگِتونه
همه جادُشمه بسته دَروِری لُر
که بازی میکِنَن وا آوِری لُر
چَنی توهین وِقومم بیشِماره
وِریسید جایِ پایاتو دِیاره
